Nikolic: Nuk marr pjesë në inaugurimin e presidentit të shtetit “inekzistent”

Presidenti i Serbisë, Tomislav Nikolic, lidhur me ftesën e Hashim Thaçit për të marrë pjesë në inaugurimin e tij si president i Kosovës, ka thënë se nuk mund të shkojë në inaugurimin e kryetarit të shtetit që nuk ekziston.

“Po e shoh se ajo [ftesa] ka arritur në media, por unë s’e kam vendin atje për shkak se unë jam kryetar i Serbisë”, ka thënë Nikolic, shkruan Koha.net.

Ai ka shtuar se për të shteti i pavarur i Kosovës nuk ekziston dhe se inaugurimi i Thaçit bëhet në kuadër të “institucioneve të përkohshme të Prishtinës dhe sipas Kushtetutës së Kosovës”.

LEXO EDHE  “Turqia mund të jetë njëri nga shtetet që mund të garantojë për Thaçin”

“Madje edhe sipas rezolutës 1244 thuhet se atje mund të bëhet çdo gjë, por jo i shtetit të pavarur”, ka thënë ai.

Hashim Thaçi si kryetar i Kosovës inaugurohet më 7 prill. Në inaugurim pritet të marrin pjesë shumë personalitete nga vendi, rajoni e bota.



PËRGJIGJU

Please enter your comment!
Please enter your name here