Bashkia Kamëz: Edi Rama gënjen, ja lista me 94 projektet që kemi aplikuar për financimin në qeveri

Bashkia e Kamzës ka reaguar pas deklaratave të kryeministrit Edi Rama se kjo njësi nuk ka asnjë projekt për financim. Në një deklaratë për mediat, Bashkia Kamëz e quan gënjeshtar kryeministrin dhe publikon 94 projektet për të cilat është aplikuar për financim.

“Mbrëmë në intervistën e dhënë në emisionin “Tonight” të gazetares Ilva Tare, Kryeministri i Shqipërisë, Edi Rama, vazhdoi të anashkalonte vëmendjen në lidhje me financimin e projekteve që Bashkia Kamëz ka paraqitur në mënyrë të vazhdueshme pranë institucioneve që ai ka nën autoritet, duke gënjyer në mënyrë sistematike opinionin publik mbarë shqiptar. Ai pretendon se Bashkia Kamëz nuk ka asnjë projekt “kompatibël” që të jetë në përputhje me ligjin për ruajtjen dhe mbrojtjen e territorit për zhvillimin urban të qytetit të Kamzës. E vërteta është tërësisht ndryshe, pasi Kamza ka aplikuar me projekte konkurruese, duke respektuar të gjitha standardet urbanistike ndërkombëtare”, deklaron Bashkia Kamëz.

Sipas këtij institucioni, Kryeministri ‘ka gënjyer edhe në lidhje me grantin e akorduar nga qeveria, duke thënë se Kamza ka përfituar më shumë se në kohën e qeverisjes së Partisë Demokratike, në një kohë që i gjithë opinioni publik e di se si e sheh ky Kryeministër Kamzën dhe vetë qytetarët e Kamzës’.

“Po i drejtohemi z. Kryeministër, duke i thënë se Kamza është ndër qytetet e rralla në Shqipëri, që u kthye nga një zonë rurale vetëm 7 km larg kryeqytetit në një qytet urban me një zhvillim të paimagjinuar ekonomiko-social. Të gjitha sondazhet e institucioneve prestigjioze si brenda dhe jashtë vendit tregojnë progresin e bërë në Kamëz në këto vite. Administrata e Bashkisë Kamëz ka aplikuar me projekte konkurruese në programet financuese të BE dhe KE dhe është përfituese e drejtpërdrejtë e këtyre financimeve”, vijon më tej deklarata.

LEXO EDHE  Deklarata e Kim/ Bushati: E dija më herët çfarë do thoshte, ma tregoi një rilindas

Bashkia e Kamzës thekson se në 3 vite nuk është përfituese e asnjë financimi nga qeveria Rama.

“Ne e kuptojmë z. Kryeministër se në çfarë pozite politike dhe vëmendjeje është në lidhje me qytetin e Kamzës si politikisht ashtu dhe në raport me objektivat që ka si qeveri për të theksuar se ka më se 3 vjet që qyteti i Kamzës nuk është përfituese të asnjë financimi nga qeveria e tij.

Gjatë 3 viteve të fundit, kemi aplikuar për 94 projekte me vlerë 14.039.384.009 lekë. Nga këto për rrugë 10 projekte me vlerë 2.448.036.754 lekë;  4 KUN me vlerë 476.133.020 lekë; 8 shkolla dhe kopshte me vlerë 399.505.000 lekë;  tregu i qytetit me vlerë 76.555.000 lekë; projekti i rivitalizimit urban të qytetit të Kamzës me vlerë 50.875.180 lekë; projekti i rivitalizimit të njësisë administrative Paskuqan me vlerë 137.258.492 lekë; kolektorë dhe argjinatura 65 km me vlerë 360.233.928 lekë; rruga “Demokracia” në Paskuqan me gjatësi 6.8 km me vlerë 208.784.436 lekë”, deklaron Bashkia e Kamzës.

LISTA E-PROJEKTEVE PER TE CILAT I ESHTE BERE KERKESE QEVERISE PER FINANCIME PER VITIN 2016



PËRGJIGJU

Please enter your comment!
Please enter your name here