Në kërkesën e re që pensionistët do të plotësojnë pranë Institutit të Sigurimeve Shoqërore nuk janë përfshirë disa nga kompensimet që merrin të moshuarit.
Kështu, është hequr kompensimi për bukën prej 150 lekë, kompensimi për personat në ngarkim 414 lekë dhe kompensimi për energjinë elektrike i miratuar nga qeveria “Berisha” nga 300-700 lekë.
Tashmë jepen vetëm 2 kompensime, të dyja për energjinë elektrike prej 640 dhe 648 lekë. Sot pensionistët e rinj marrin 1288 lekë kompensime për shkak të rritjes së çmimit të energjisë elektrike.
Çdo pensionist duhet të aplikojë fillimisht pranë zyrave lokale të ISSH-s, që më pas të marrë pensionin e tij. Në këtë kërkesë do të shohin dhe kompesimet. Ajo që bie në sy është që nëse më parë jepej kompensimi për bukën (150 lekë), 3 kompensime për energjinë elektrike dhe një tjetër për personat në ngarkim, tashmë janë hequr.
