Tom Hanks dhe gruaja e tij Rita Wilson janë paditur në Gjykatë. Paditësi është Terry Moogan, kjo pasi djali i tyre, Chester Hanks, e përplasi këtë të fundit në shkurt të 2015 duke përdorur makinën e prindërve të tij, raporton TMZ.
Moogan pretendon se djali i aktorit, i njohur ndryshe si Chet, jo vetëm që po drejtonte automjetin nën ndikimin e drogës dhe alkolit por dhe në mënyrë të pakujdesshme.
TMZ bën me dije se policia nuk ishte në vendngjarje kur ndodhi aksidenti.
Avokatët e Moogan shprehen se ai pësoi dëmtim në tru dhe se Chet i kërkoi atij të mos telefononte policinë pas aksidentit.
Javën e kaluar, këngëtari 25 vjeçar mori pjesë në një koncert të Justin Bieber së bashku me mamanë e tij Rita në Los Anxhelos.
