Një vajzë 4-vjeçare ka përjetuar një situatë të tmerrshme, kur krahu i saj ngeci në parmakun e shkallëve lëvizëse të qendrës tregtare Parramatta Westfield në Sidney.
Video e incidentit tregon se si babai i vajzës vendos duart në kokë, i stresuar para se të tentojë ta shpëtojë atë, raporton 7 News.
Pas momenteve të para i mbytur në dëshpërim, babai arriti të mbledhë veten dhe me një kaçavidë të shpëtojë të bijën duke e nxjerrë nga aty ku kishte ngecur.
Vajza u dërgua në spital për të marrë ndihmë për krahun e lënduar. Nuk dihet dinamika e ngjarjes dhe në këtë drejtim policia ka nisur një hetim për të gjetur se si fëmija ngeci tek shkallët lëvizëse.
Në vitet e fundit në pjesë të ndryshme të botës, sidomos në Kinë, incidentet e këtij lloji, ose ndryshe të lidhura me shkallët elektrike, kanë pasur pasoja shumë më të rënda, shpesh tragjike, për shkak të mungesës së sistemeve adekuate të mbrojtjes dhe të sigurisë.
