Pas takimit me Komisionerin e zgjerimit të BE-së Hahn, Kreu i PD- së, Lulzim Basha ka dalë në një deklaratë për mediat për të thënë se nuk mund të ketë dialog me shumicën nëse ajo nuk reflekton lidhur me kërkesat e opozitës, zbatimin e vendimit të Kushtetueses dhe dekriminalizmin e politikës.
Në takim, mësohet se Johannes Hahn i ka kërkuar kryetarit të PD-së Basha për një dialog me mazhorancën. Duket se Basha nuk ka rënë dakort dhe i ka thë komisionerit Hahn se Rama i ka vënë tritolin shtetit ligjor, demokracia është në rrezik dhe shteti në vdekje klinike.
“Prania e Komisionerit është një rast i shkëlqyer për të shkëmbyer ifnromacion për gjendjen aktuale në Shqipëri që është jashtëzakonisht dramatike. Dy vjet më parë PE u investua për të zgjidhur një situatë kriminale në parlamentin e Shqipërisë për shkak të personave që ka sjellë Rama aty dhe sot, për shkak të moszbatimit të vendimeve të Gjykatës Kushtetuese, pamundësisë së opozitës për të mbikqyrur qeverinë përmes komisioneve hetimore, sot, dy vite më vonë, jemi në të njëjtën situate. Ligji për dekriminalizimin që u miratua në minutat e fundit, nuk arriti të shmangë kandiminin e bashkiakëve me rekorde kriminale si në Kavajë, Krujë, Këlcyrë etj dhe përsëri ka mbetur peng i Edi Ramës. Javët e ardhshme mbetet vendimtare që të shihet nëse do t’i zbatojë ato” tha Basha.
Sipas Bashës, dy vjet më vonë, vendi nuk ka bërë asnjë hap para në raport me integrimin dhe ka bërë shumë hapa pas drejt një regjimi të dhunshëm ndaj qytetarëve dhe opozitës dhe përgatitet të prishë zgjedhjet si e vetmja rrugë që të mbajë pushtetin.
DENONCO