Vjen trofeu i parë. Fanella e Shqipërisë, më e bukura e Euro 2016

Shqipëria merr fitoren e parë në Euro 2016. Fanella e kombëtares shqiptare është zgjedhur si më e bukura e turneut kontinental që do të zhvillohet këtë verë, në një sondazh të kryer nga portalit i njohur gjerman “Sport 1”.

Në sondazh kanë votuar me mijëra persona dhe në fund fituese doli Fanella e kombëtares shqiptare me rreth 26 mijë vota, ndërsa e dyta u rendit fanela e kombëtares së Turqisë me 2 mijë vota më pak, ndërsa e treta ajo gjermane.

Pak kohë më parë, FSHF-ja nënshkroi me “Macron” si sponsor teknik i Kombëtares, kompani e cila realizoi edhe fanellat e reja të cilat lojtarët kuqezi do të mbajnë veshur në Euro 2016.

LEXO EDHE  F1/ Hungaria stacioni i radhës

Fanelat e reja kanë një dizajn krejtësisht të ri, me një shqiponjë të vendosur në mes në të trija fanelat në tri ngjyra, ajo tradicionale kuqezi, e dyta që është e bardhë dhe fanela e tretë që është e zezë, por me nuanca më të theksuara të shqiponjës në pjesën e përparme.

Kombëtarja luajti për herë të parë me fanellën e re të bardhë në ndeshjen miqësore ndaj Austrisë ditën e shtunë.

Tashmë Shqipëria ka fituar një sondazh europian, një diçka e rrallë edhe kur bëhet fjalë për fanelat. Një tjetër ogur i mirë ky për Shqipërinë në misionin historik, Francë 2016.



PËRGJIGJU

Please enter your comment!
Please enter your name here