Një vajzë e vogël ka gjetur vdekjen pasi i është prerë koka në formë maKabre nga një burrë me hanxhar në sytë e nënës së saj. Ngjarja ka ndodhur në Taiëan në një stacion të metrosë në Taipei, në kryeqytetin e ishullit.
Nëna e vajzës ka qenë shumë pranë me biçikletë kur ka ndodhur kjo tragjedi.
Ajo e ka parë burrin tek i afrohej asaj, mirëpo ka menduar se po ju vjen në ndihmë, e më pas ai e ka nxjerrë thikën dhe i ka prerë kokën, transmeton CNN.
“E kam parë atë person duke e sulmuar vajzën time me hanxhar. Menjëherë e kam kapur e jam munduar ta largoj nga vajza, por nuk ia kam arritur”.
Kalimtarët e rastit i kanë dëgjuar britmat e saj duke kërkuar për ndihmë dhe kanë vrapuar që ta bllokojnë sulmuesin të ikë nga vendi i ngjarjes deri në arritjen e policisë.
Në bazë të hetimeve i dyshuari identifikuar vetëm me mbiemrin e tij Ëang, ka qarkulluar atë ditë rreth stacionit të metrosë dhe e ka vjedhë thikën në një super market.
Policia ka thënë se personi që e ka kryer sulmin, është diagnostifikuar me sëmundje mendore dhe më parë kishte qenë pacient i një spitali psikiatrik.
Sulmuesi është arrestuar dhe është dërguar në stacionin policor.
Në vitin 2014, një 21 vjeçar tajvanez i quajtur Cheng Chieh, ka kryer një vrasje masive në sistemin e metrosë në Taipei, duke vrarë 4 persona e lënduar 24 të tjerë.
