Qeveria shqiptare vijon të japë me koncesion shërbime publike. Sëfundmi sektorët më të përshtatshëm, sipas qeverisë, për partneritet publik-privat (koncesion) në qeverisjet vendore janë ndriçimi publik dhe plazhet publike.
Këtë e deklaroi ministri i Financave, Arben Ahmetaj gjatë një konference me USAID për PPP, i cili tha se kostot për këto dy sektorë nuk mund të përballohen nga bashkitë pasi janë të larta.
“Përsa i përket pushtetit vendor janë të njëjtat parime që ka pushteti qëndror për të bërë një PPP apo për të bërë një koncesion. Janë 4 fusha të rëndësishme ku pushteti vendor mund të jetë shumë proaktiv.
Deri më dje dikur merrej përcillje një ofertë epakërkuar me dy letra. Dy letra kthehej në ofertë të pakërkuar. Ndryshimi i ligjit e detyron privation që duan të bëjnë një ofertë të pakërkuar për një PPP, të kenë një studim fisibiliteti shumë të avancuar, në mënyrë që administrat të ketë mundësi të studiojë vlerën e parasë.
Ndriçimi publik është shumë i rëndësishëm, ka shumë kosto. Ka shumë bashki, po të kishim kryetar bashkie do të na kishin thënë menjëherë koston e ndriçimit public. Sigurisht një mundësi shumë e madhe për të kaluar në inovacione qoftë teknologjike qoftë kontraktuale dhe duke përmirësuar ndriçimin në qytete po duke ulur edhe koston patjetër dhe ka të tilla shumë. Bota e qytetëruar njeh shumë inovacione në këtë aspekt.
E dyta është menaxhimi i plazheve. Nganjëhere duket kaq e thjeshte dhe kthehet kaq e vështirë. Si ka mundësi që në bregdetin shqiptar nuk ka një standard të dhënies me qira në fakt, por në rastin konkret po e quajmë një kontratë partneriteti publik privat, ku të marri përsipër privati atë që duhet ta bënte bashkia por që nuk e bën dot për shkak të mungesës së fondeve dhe për shkak të mungesës së disiplinës në treg, në plazhet e Shqipërisë. Pra do të duhet që administrata vendore duhet të kalojë në një nivel proaktiv. Nuk kemi akoma kapacitetet e duhura tek vendor, por edhe tek qendrori.”-deklaroi Ahmetaj.
