Përplasja me protestuesit, tre police bashkiake në spital. Veliaj: Opozitës i mungon burrëria (FOTO)

Në protestën e sotme të PD-së te Parku i Liqenit mësohet se janë lënduar tre punonjëse të Policisë Bashkiake, të cilat janë dërguar në Spitalin e Traumës për të marrë ndihmën mjekësore. Punonjëse që kanë përfunduar në spital  janë: D.K., 24 vjeçe, S.A., 25 vjeçe dhe L.S., 24 vjeçe.

Mësohet se L.S. ka dëmtuar rëndë klavikulën që lidh në pjesën e sipërme të krahut me qafën. D.K., ka pësuar dëmtime të rënda fizike, duke nxjerrë krahun, ndërsa S.A., ka marrë goditje në kokë, duke i shkaktuar hematoma.

Policet bashkiake janë vizituar edhe kryebashkiaku Erion Veliaj, i cili ka komentuar protestën e sotme. Veliaj i ka quajtur protestuesit vandalë, ndërsa tha se opozita tregoi që i mungon burrëria, pasi ka dhunuar 3 policet dhe kanë qenë të armatosur.

“Një drejtues vajti tek rrugaçët me armë, ne tek zonjushat që mbronin rendin. I uroj shërim të shpejtë. Një prej tyre ka shembje të kavikulës. Nuk ka pikë burrërie që deputetët përdorin fjalor rrugaçëror, mbajnë armë. Prandaj do bëjmë procedime. Është parti që nuk e njeh burrërinë, godasin gratë mbrapa shpine. Trimëri nuk është të zihesh me garatë”, tha Veliaj.

LEXO EDHE  Reshje shiu, por edhe rrebeshe. Çfarë ndodh me motin, zonat ku priten

Kryebashkiaku tha se Basha do të sjellë shembullin e Kamzës në Tiranës. “Një kryetar opozite që e shkatërori këtë qytet beson se Amsterdami është më i mirë dhe si kryetar bashkie vendosi t’i rrisë fëmijët e tij në Hollandë. Mjafton të shohësh deputetët vandalë, dhunues të PD-së për të kuptuar çfarë dallimi kemi me ata. Nëse na thonë se kanë model Kamzën më vjen keq”.

Lidhur me ndalimin e ish-deputetit Ndriçim Babasi, Veliaj tha se atij i është prishur interesi për prishjen e një parking të zaptuar. Ai shtoi se Babasi e do aq shumë mjedisin, sa mjafton të shikosh gropat e gëlqeres që ka hapur në Krujë e Fushë-Krujë.
“Babasit iu prish interesi personal se çliruam parkingun tek Stadiumi Dinamo që e kishte zaptuar për të shitur makina të përdorura. Shikoni gropat e gëlqeres që ka bërë në Fushë Krujë dhe Krujë. Ky tani na del dashnor i mjedisit. Nëse keni dyshim se këta e kanë merakun tek pemët eja shikoni sa pemë shkulën sot, sa vajza dhunuan”, tha Veliaj.



PËRGJIGJU

Please enter your comment!
Please enter your name here