“Plani i sulmeve terroriste në Belgjik ka nisur nga Athina”, kështu raportojnë mediat ndërkombëtare. Të paktën 8 të dyshuar besohet se janë të lidhur me sulmet terroriste në Paris dhe në Bruksel.
Mediat ndërkombëtare duke u bazuar në burimet policore kanë përshkruar lëvizjet e tyre në Europë dhe lidhjet e tyre me shtetin islamik. Sipas mediave italiane plani sulmeve të Brukselit është hartuar në Greqi, pasi autoritetet italiane kanë regjistruar kalimet e kamikazit El Bakraoui, salah Abdeslam dhe Abaaoud nga italia në athinë, ku dhe janë gjetur harta të aeroportit Zaventem.
Të gjithë të dyshuarit kanë lidhje me Abaaoud dhe Abdeslam i cili tashme po përballet me drejtësinë edhe pse nuk pranon të bashkëpunojë. Policia është ende të kërkim të tyre.
Gjatë sulmeve të Brukselit mbetën të vrarë të paktën 31 persona dhe u plagosën rreth 300 persona. Ndërkohë që niveli i sigurisë në europë është në nivelet më të larta.
