Pas një beteje të gjatë 4-vjeçare gazetarja 30-vjeçare britanike Holly Brockwell ka fituar të drejtën për t’u sterilizuar.
Një vendim i diskutueshëm ky. Gazetarja pasi dhe një intervistë për BBC në lidhje me arsyet e zgjedhjes së saj është mbytur me kritika dhe fyerje. “Unë nuk dua që të kem fëmijë, sepse s’ka asgjë që më tërheq në dhënien e jetës për një qenie njerëzore”, tha ajo më pas.
Sistemi shëndetësor britanik e ka lejuar më në fund për të përmbushur dëshirën e saj. Dhe, për të festuar fitoren, vajza shkroi një letër të hapur, të botuar në “The Telegraph”, në të cilën riafirmoi arsyet e veta.
Letra:
“Si një grua që nuk dëshiron fëmijë – në mënyrë absolute kurrë – fillova të kërkoja sterilizimin që kur isha 26 vjeç dhe në katër vitet e fundit mjeku im ka refuzuar gjithnjë kërkesën time. Përgjigja ishte gjithmonë:”…Jeni shumë e ri për të marrë një vendim të tillë drastik”, por tani unë jam në listën e personave që do të sterilizohen në fund të vitit. Kjo është një gjë që e dëshiroja prej shumë kohësh, por kjo nuk do të thotë se ishte një vendim i lehtë për mua. Kam bërë disa hulumtime, analiza, i kam peshuar argumentet e ndryshme, mbi disa herë. Ndaj them se jo, të gjithë ata që kanë fëmijë mund të kenë bërë të njëjtën gjë, por prapë nuk sulmohen dhe as nuk merren në pyetje kaq shpesh. Por mua po. Dhe komentet janë të njëjta si kur vijnë nga të panjohur qoftë nga miqtë apo mjekët. Kur dikush merr vesh vendimin tim, mendon se vetëm dua ta bëj atë, pa marrë parasysh pasojat e ndryshme.
Me sy të shqyer pyesin: “Po pse?” dhe nuk ekziston kurrë një përgjigje që është në gjendje t’i kënaqë ata. Shpesh më vjen t’u them atyre: “I urrej fëmijët”, por pse duhet të gënjej? Unë nuk i urrej fëmijët; thjesht nuk i dua ato. E keni parasysh kur shihni një qen të mrekullueshëm të dikujt tjetër, por ju kurrë nuk mendoni të merrni një të tillë? Është e njëjta ndjesi”.
Burimi: HuffPost
