Gianni De Biasi shpreson që tifozët shqiptarë do ta mbështesin Kombëtaren shqiptare edhe në Euro 2016. Kombëtarja shqiptare është përkrahur si asnjëherë më parë nga tifozët shqiptar në ndeshjet e zhvilluara jashtë Shqipërisë.
Një gjë e tillë u vërtetua edhe në takimin miqësor ndaj Austrisë, ku të pranishëm ishin rreth 10 mijë kuqezinj.
Gianni De Biasi shpreson që tifozët shqiptarë do ta mbështesin Kombëtaren shqiptare edhe në Euro 2016
“Tifozët tanë gjithmonë kanë ditur si të sillen në tribuna dhe na kanë mbështetur përherë. Ata duan të jenë lojtari ynë i 12-të dhe janë realisht të tillë”, ka deklaruar De Biasi.
“Urojmë që të jenë të shumtë në numër në Francë, pasi kemi nevojë për mbështetjen e tyre për të arritur suksesin”, ka theksuar strategu italian.
