Një ngjarje e pazakontë ka ndodhur këto ditë, kur një vajzë e re nga Kina me profesion volejbolliste, ka lindur fëmijën gjatë kohës së ndeshjes.
Sportistja raportohet se filloi të ndjente dhimbje gjatë ndeshjes së kampionatit nën moshën 18-vjeçe.
Mund të tingëllojë si diçka e pabesueshme, por ajo me një shpejtësi të paparë ka vrapuar në tualet për të lindur foshnjën, të cilën më pas e vendosi në shkurre për tu kthyer në fushë, sikur të mos kishte ndodhur asgjë.
Për fat foshnjën e kishte gjetur një kalimtar i rastit, i cili më pas kishte ndjekur gjurmët e gjakut nëpër fushë për të gjetur edhe nënën e tij, thuhet në një raport të policisë.
“E pashë në fushë derisa po pushonte. Dukej mirë pas lindjes. Supozova se ka imunitet dhe trup të fort, për faktin se ka lindur dhe i është kthyer lojës”, ka deklaruar një burrë.
Nëna dhe foshnja janë dërguar menjëherë në spital ku është konstatuar se që të dy janë në gjendje të mirë shëndetësore, thuhet më tej në raportin e policisë.
