Një tjetër shpërthim mund të shkaktonte një tjetër tragjedi në Bruksel pas sulmeve terroriste katër ditë më parë. Është bërë e mundur nga policia belge neutralizimi i një valixhe plot me ekploziv gjatë kapjes së një prej të dyshuarve.
Sipas televizionit belg, ai u qëllua në këmbë gjatë një operacioni të madh policor për kapjen e tij. Nëntë persona në total janë arrestuar që nga dita e djeshme.
Mediat belge raportojnë se operacioni është përqendruar në rajonin Shaerbek, gjatë të cilit thuhet se është dëgjuar edhe një shpërthim.
Personi i cili u plagos dhe u arrestua sot nga policia belge, është konfirmuar se ishte pjesëtar i ISIS, i cili quhet Reda Kriket, 34 vjeçar.
Reda Kriket, thuhet se u burgos vitin e kaluar në Belgjikë për shkak se ishte pjesë e rrjetit terrorist dhe se ai kishte dërguar disa xhihadistë të rinjtë për në Siri, njofton Independent.
Megjithatë, sot në Bruksel kishte dy shpërthime të kontrolluara, të cilat alarmuan qytetin, mirëpo policia po vazhdon hetimet e vendit.
Por, së paku dy vetë që janë identifikuar nga policia në fotografitë e kamerave vëzhguese në aeroport dhe stacion të metros, ku kanë ndodhur sulmet, ende janë në arrati. Më herët këtë javë, policia e ka bastisur një banesë në lagjen Shaerbek, ku qartazi tre sulmuesit kishin qëndruar, para se të niseshin për në aeroport, me valixhe të mbushura me eksploziv, më 22 mars
