Nazime Visha ka lënë burgun rreth orës 13:15. Sapo ka dalë, ajo ka falënderuar Ministrin e Drejtësisë, Ylli Manjani, gazetaren Eni Vasili, shkrimtarin Ismail Kadare si dhe drejtoreshën e institucionit të vuajtjes së dënimit. E pyetur nga gazetarët se çfarë do bëjë tani që është e lirë, Nazimja tha se gjëja e parë është të fillojë shkollën.
“Falënderoj shumë ministrin e drejtësisë, Ylli Manjani. Falënderoj Eni Vasilin, Ismail Kadarenë, drejtoreshën e institucionit, Zoje Jakaj, të gjithë. Do të nis shkollën. Më ka siguruar një bursë drejtoresha dhe do nis shkollën. Faleminderit për gjithçka”, ka Nazime Visha, e cila kaloi 4 vjet në burg për vrasjen e Fiqiri Muçës dhe përfitoi sot amnistinë nga Presidenti Bujar Nishani.
