Të paktën 65 persona kanë humbur jetën pasi një sulmues vetëvrasës hodhi veten në erë në një turmë pas një loje futbolli në një provincë në jug të Bagdatit.
Policia tha se më shumë se 50 persona janë plagosur si pasojë e një shpërthimi në Iskandariyah, një qytet rreth 50 kilometra në jug të kryeqytetit.
Televizioni amerikan, ‘Fox News’ ka mësuar se menjëherë pas sulmit organizata terroriste e ISIS ka marrë përsipër sulmin.
Kjo organizatë terroriste gjithashtu ka thënë se qëndron edhe prapa sulmeve të së martës në Belgjikë ku u vranë 31 persona dhe u lënduan 270 të tjerë.
