Duket se hajdutët nuk i duron dot polici argjentianas, i cili e kishte lidhur në kryq të dyshuarin për vjedhje dhe i ka vënë një letër ku shkruan: “Ju nuk duhet të vidhni.
Ngjarja ka ndodhur në Cordoba të Argjentinës, dhe polici është dënuar me gjashtë vite burg.
Victor Robledo është gjetur i lidhur dhe i mbështjellë me shirit ngjitës, ndërsa në kokë e kishte një najlon me një vrimë të vogël për të marrë frymë.
Policia e ka gjetur 27-vjeçarin me lëndime të lehta, por me temperaturë të lartë, transmeton Telegrafi.
Këtë veprim e kishte kryer polici Carlos Alberto Flores, jashtë detyrës.
Mbi të rrëndon akuza për abuzim nën kërcënimin e armës, cenim të lirisë dhe shtrëngim të paligjshëm.
Flores duhet të mbajë së paku tre vite burg, kurse pjesën tjetër mund të lirohet me kusht.
(Boldnews)
