Gjykata në Itali ka dhënë masën e dënimit për katër shqiptarët, të cilët vranë shtetasin italian. 18 vjet burg për Arjan Ziun, 17 vjet për vëllain e tij Mikel Ziu dhe po nga 17 për djemtë Rudi dhe Antonio Ziu.
Një vit pas vrasjes së shtetasit Italian Roberti Tizit në Teramo, Itali, katër shqiptarët morrën dënimin. Prokuroria i kishte kërkuar gjykatës 30 vite burg për secilin nga shtetasit shqiptarë duke e cilësuar krimin si makabër.
Italiani Roberto Tizi, në vitin 2015 në Teramo, teksa po kthehej në shtëpi së bashku me bashkëshorten është përballur me katër shqiptarët, të cilët e kanë qëlluar me dy plumba në kokë.
Gjykata ka dhënë vendim edhe një dëmshpërblim me 30 mijë euro për prindërit e italianit të vrarë, Roberto Tizi.
Arjan Ziu ishte personi që e gjuajti italianin me dy plumba pistolete në kokë në makinë. Katër shqiptarët më pas edhe e kanë goditur në kokë italianin pas vrasjes. Hetuesit thanë se vrasja e italianit ka ndodhur pas një sherri mes tij dhe Arjan Ziut përpara se të ndodhte ngjarja e rëndë. Arjan Ziu ka pranuar krimin dhe ka kërkuar që të mos hetohen personat e tjerë për akuzën e vrasjes.
