Kandidati republikan për Shtëpinë e Bardhë, Donald Trump, po shfrytëzon sulmet terroriste në Bruksel për të lëshuar deklarata të ashpra kundër myslimanëve.
Ai thekson se ata kanë dështuar të parandalojnë ngjarje të tilla si këto të Belgjikës.
“Kur sheh një problem, ti duhet ta raportosh dhe ata nuk raportojnë. Ata nuk raportojnë absolutisht asgjë, e ky është një ngërç i madh. Abdeslami fshihej në lagjen ku ishte rritur e askush nuk e kallëzoi në polici. Kjo që ndodhi supozohet të jetë shpagim për arrestimin e tij, e ky është një turp”, tha Trump.
Trump thotë se do t’ua ndalonte myslimanëve hyrjen në Evropë, duke shtuar se ai do ta godiste ISIS-in aq fort, sa s’e beson dot njeri.
