Ikona e Chelsea, Frank Lampard, beson se ish-trajneri i tij, Jose Mourinho, do të rritet duke marrë përsipër sfidën e drejtimit të Manchester United.
Me të në krye, klubi i “djajve të kuq” do të kthehet tek trofetë dhe sukseset. Portugezi ka qenë prej kohësh i përmendur për të zëvendësuar ish-mentorin e tij, Louis van Gaal.
Ai përfundoi eksperiencën e dytë në “Stamford Bridge”, në dhjetor, me blutë e Londrës që lëngojnë në gjysmën e poshtme të tabelës së klasifikimit. Lampard, i cili fitoi dy liga tituj dhe tre trofe të brendshëm nën drejtimin e parë të Mourinhos, mes viteve 2004 dhe 2007, është i bindur se trajneri i papunë do të jetë i suksesshëm në “Old Trafford”, nëse Manchester United vendos ta bëjë “timonier” në fund të sezonit 2015-2016. Mourinho duke ndjekur ndeshjen Inter-Sampdoria, mes miqve të vjetër zikaltër “Mendoj se Mourinho mund të arrijë sukses kudo në botë, – tha mesfushori i New York City, i cili ishte i pranishëm në finalet e “FIFA Interactive Cup”.
Ai ka thënë kështu për “Goal.com”, kur u pyet nëse Mourinho mund ta rikthejë Manchester United në lavdinë e tij të mëparshme. “Unë mendoj se Mourinho flet qartë me të kaluarën e tij. Dhe nëse arriti sukses të madh në Europë me Porton, një i ashtuquajtur ekip i vogël, me Chelsea konfirmoi vetveten. Në krye të Interit, edhe një herë e bëri të pamundurën të mundur. Duke drejtuar një ekip, që e kishte shumë të vështirë për të fituar Ligën e Kampionëve, ai e bëri këtë. Edhe te Real Madridi, e njëjta gjë.
Në krye të Manchester United nuk do të ketë një punë të lehtë, të ngjashme me Antonio Conten te Chelsea (italiani pritet ta marrë përsipër në verë), por ai, me siguri i ka atributet për ta bërë më së miri detyrën.” Tifozët e Manchester United kanë vendosur foton e Mourinhos në shajet e tyre Ndërkohë, ish-kapiteni i Chelsea dhe i Anglisë, John Terry, ka qenë i mbërthyer në një mosmarrëveshje, në lidhje me zgjatjen apo jo të kontratës së tij me blutë, e cila përfundon në qershor.
Qendërmbrojtësi ka shprehur dëshirën e tij për të rinovuar në “Stamford Bridge”, ndërsa klubi duket të jetë i gatshëm për të përmbushur kërkesat e tij. Megjithatë, Lampard mendon se talenti dhe përvoja e Terry mund të jetë vendimtare për kthimin nga zhgënjimi i një sezoni të kaluar në errësirë, mes tabelës së klasifikimit.
