Do të ishte transferimi i vitit. Sipas së përditshmes gjermane BILD, Borussia Dortmund po mendon seriozisht për një rikthim të Mario Gotze-s në “Westfalen”.
Gotze u transferua në verën e vitit 2013 te Bayern për 37 milionë euro, por aktualisht është vetëm një rezervë te bavarezët.
Sipas informacioneve të gazetës BILD, kanë filluar bisedimet e para midis bordit të Borussia-s dhe Bayern-it. Por si do të reagonin tifozët e Dortmund nëse Gotze do të rikthehej? Ai ishte një nga të preferuarit e tyre deri në momentin që u kthye në një person të urryer kur veshi fanellën e kuqe të Bayern. Por a është ky transferim i mundshëm financiarisht për Borussia-n? Normalisht që ata nuk kanë ndërmend të paguajnë 37 milionë eurot që morën për të 3 vite më parë.
BILD spekulon se ata do të ishin të gatshëm të paguanin 20 milionë euro (vlera e Gotze-s në merkato është 40 milionë euro). Por kontrata i skadon në vitin 2017 dhe Bayern rrezikon ta humbasë me parametra zero. Vetë lojtari thuhet të jetë i hapur për një rikthim te ish-ekipi i tij. Mesa duket ai dyshon se gjërat do të ndryshojnë për të edhe me ardhjen e Carlo Ancelotti-t në përfundim të sezonit.
DENONCO