Imazhi i dhimbshëm i një çifti që puthet, (pasi i mbijetuan sulmeve terroriste të sotme në një metro në Bruksel), pranë një të plagosuri rëndë që qëndron i shtrirë në tokë, është shndërruar në sensacion në internet.
Imazhi është shkrepur jashtë metrosë Maelbeek. I plagosuri shfaqet në agoni në trotuar, pasi forca e shpërthimit e ka mbuluar në gjak. Teksa çifti puthet i plagosuri i shtrin dorën e plagosur dhe u lutet për ndihmë.
Pasi ngushëlluan njëri-tjetrin çifti është fotografuar duke i ardhur në ndihmë të plagosurit, sëbashku me dhjetra persona të tjerë.
Brukseli u godit në orët e para të mëngjesit të së martës nga 4 shpërthime, dy prej të cilëve në aeroportin Zaventem, kurse dy të tjerët në dy stacione metroje.
Burimet zyrtare flasin për të paktën 34 viktima, 14 prej të cilëve kanë humbur jetën në aeroport dhe 20 në stacionet e metrove. Bilanci i të plagosurve ka shkuar në 136 persona.
Burimi: Mirror
