Po tentonin për të vjedhur një shtëpi në Villa Literno në Caserta, kur pronari i banesës, i cili kishte edhe një servis makinash aty afër. Pasi kishte parë disa njerëz tek banesa e tij, ai kishte marrë një pushkë dhe kishte qëlluar ndaj tyre.
Tre personat ishin larguar me shpejtësi nga vendi i ngjarjes me një BMË ngjyrë të bardhë me të cilën kanë shkuar për në spitalin e Morcati di Aversa, ku kanë lënë edhe një trup të pajetë, i cili ishte njëri prej hajdutëve.
Bëhet fjalë për një shqiptar, emri i të cilit nuk është bërë i ditur, pasi nuk kishte asnjë dokument me vete, ndërsa policia ka marrë shenjat e gishtërinjve për të bërë të mundur identifikimin.
Pas ngjarjes, policia ka shkuar në vendin e ngjarjes dhe kanë shoqëruar për në komisariat personin që ka qëlluar me armë. Siç shkruan media italiane, tre hajdutët kanë qenë brenda perimetrit të banesës së mekanikut, kur janë qëlluar me armë. Një prej këtyre plumbave duket se i ka marrë jetën shqiptarit./Syri.net
