10-vjeçari Abu Adam, është djali që shpëtoi nga xhihadistët e Shtetit Islamik. Në një intervistë për “MailOnline”, ai ka treguar se si terroristët mësonin të rinjtë të vrisnin njerëzit e pafajshëm.
“ISIS më mësoi se si të rrah e të vras njerëz. Gjithashtu, më mësoi edhe se si t’u pres kokën të gjithë personave që nuk janë myslimanë”, ka thënë ai.
“Terroristët na thoshin se ata që nuk ndiqnin Kuranin ishin të pafe. Të gjithë personat e marrë peng nga Shteti Islamik ishin të detyruar të brohorisnin ‘unë do luftoj për ISIS’”, ka shtuar 10-vjeçari.
Sipas “Daily Mail”, Abu ishte një nga 150 të rinjtë që duhej të urrenin jomyslimanët dhe që po përgatiteshin për të vdekur. Abu Adam, emri jo i vërtetë i tij, është parë për herë të parë në një kamp në Raqqa, në gusht të vitit 2014 gjatë një sulmi të ISIS-it.
“Gjatë kohës që isha aty nuk kam folur me familjen time. Shumica e të rinjve nuk kishin dëshirë që të ishin pjesë e terroristëve të Shtetit Islamik”, është shprehur 10-vjeçari.
(Boldnews)
