Partia Socialiste hap sot konkursin për zgjedhjet e krerëve të forumit rinor socialist në rrethe sipas një projekti të quajtur “FRESSH Voice”.
Por ky emër ka ndryshuar nga ai tradicional që ishte FRESSH, duke shfaqur një tjetër tendecë e kryeministrit Rama për t’u shkëputur nga e kaluara.
Aplikimi për të gariar tani do të bëhet në fressshvoice.al nga 20 mars deri më 20 prill për të rinj nga 16-28 vjeç më pas do të ketë dëgjesa ne cdo bashki te vendit.
Më të mirët do përzgjidhen për FRESSH në komunitetin e tyre por dhe në qendër.
” Gjithsecili hyn në këtë konkurs me një siguri. Kjo juri është e pakorruptueshme që do të përzgjedhë më të mirët nga më të mirët”– tha Rama.
Pandeli Majko njëri prej anëtarëve të jurisë nuk mundi të mos komentonte debatin e djeshëm në Asamble.
“Ju shpejt do të jeni brenda kësaj salle. Dhe që ta bëni atë sallën tuajën, sigurisht duhet pak punë. Të mësoni dhe nga të metat tona: Të vendosni nëse do të bëheni pjesë apo jo e dialogut tonë të djeshëm hamletian “to be or not to be” – të jesh apo të mos jesh – të jesh apo të kesh – të votohesh apo të mos votohesh – të zbatosh apo të mos zbatosh – të jesh apo të mos jesh sërish.” – deklaroi socialisti.
Juria përbëhet nga Pandeli Majkon, Elisa Spiropalin, Arlinda Dudën dhe Gazmend Pajën.
