Sipas shkencëtarëve ecja djegë më shumë kalori se që ishte menduar më parë.
Studimi që u përdor për të nxjerrë këtë përfundim përfshinte disa vullnetarë të cilët studioheshin se sa kalori kishin djegur përgjatë ecjes së tyre.
Ekspertët nga Universiteti Methodist gjetën se njerëzit në përgjithësi djegin 10% më shumë kalori kur ecin në një shpejtësi të ndërmjetme dhe 20% më shumë kur ecin më shpejtë, transmeton Gazeta Express.
Kaloritë janë të rëndësishme për shëndetin dhe statusin psikologjik të trupit. Njerëzit tentojnë të djegin kalori duke ushtruar rëndë, por shkencëtarët thonë se në fakt ecja ndihmon më shumë dhe më mirë.
Kështu, arsyeja pse duhet të ecni më shumë është sepse duke ecur ju digjni më shumë kalori. Por, përveç kalorive janë disa sëmundje që luftohen në qoftë se ju ecni.
Mjekët e sportit këshillojnë ecjen pasi trupi përfiton këto të mira:
Të ecësh për 10 minuta, në tru stimulohet prodhimi i endorfinave që zvogëlojnë stresin, tensionin, nervozizmin dhe lodhjen.
30 minuta aktivitet fizik reduktojnë rrezikun e glaukomës dhe në 5 vjet përgjysmojnë rrezikun e sëmundjes Alzhaimer.
Ndërkaq, nëse do të bëni 30 minuta në ditë ushtrime fizike ju nuk do të sëmureni shumë herë nga ftohja dhe gripi, ndërkohë shëndeti i zemrës do të përmirësohet prej forcimit të rrahjeve të zemrës dhe prej qarkullimit më të mirë të gjakut. Po kështu forcim do të pësojnë edhe muskujt e barkut, të krahëve, të shpinës etj.
Për më tepër, presioni i gjakut do të përmirësohet, rreziku i osteoporozës do të zvogëlohet, po kështu edhe rreziku i kancerit të zorrës së trashë te 31% e femrave. Tridhjetë minuta ecje në ditë forcojnë këmbët, përmirësojnë ekuilibrin dhe djegin më shumë yndyrë.
