Fitorja ndaj Sevilla, alternativa e vetme për Real Madrid

Real Madrid do të vazhdojë ndjekjen e dy vendeve të para në La Liga, teksa do të presë skuadrën e Sevilla në “Santiago Bernabeu”, në mbrëmjen e sotme. “Los Blancos” do ta shihnin veten një pikë larg Atletico Madrid, në rast fitoreje, sepse të besuarit e Diego Simeone u mposhtën 2-1, të shtunën nga Sporting Gijon.

Por nëse Real nuk fiton ndaj Sevilla, që po kalon një moment të mirë forme, atëherë të besuarit e Zinedine Zidane, do të dalin përfundimisht nga gara për titullin kampion, kur mbeten edhe shatë ndeshje nga fundi i kampionatit spanjoll. Real Madrid do të presë Sevilla në “Santiago Bernabeu” Real, që është kualifikuar për në çerekfinalet e Champions League, ku do të ndeshet me Wolfsburg, vjen nga katër fitore radhazi në të gjitha veprimtaritë, teksa në ndeshjen e fundit në “Bernabeu” fitoi 7-1 ndaj Celta.

Reali ka pasur një javë kohë për të përgatitur këtë ndeshje, ndërsa Sevilla, ditën e enjte, luajti në Europa League, ku fitoi 3-0 ndaj FC Basel dhe mbetet favorite për të mbrojtur trofeun që e ka fituar në dy edicionet e fundit. Në La Liga, Sevilla është pesë pikë larg nga Villarreal i vendit të katërt, në garën për një vend në Champions League. Sevilla ka fituar 3-2 ndaj Real Madrid në fazën e parë Real Madrid nuk do të ketë shërbimet e Sergio Ramos, i cili u ndëshkua me karton të kuq në sfidën e fituar 2-1 ndaj Las Palmas dhe gjithashtu Pepe është i skualifikuar për plotësimin e numrit të kartonëve të verdhë.

LEXO EDHE  Shpëtim Duro surprizon me formacionin, ja si rreshtohet Laçi përballë Anderlecht

Raphael Varane dhe Nacho pritet të jetë dyshja e qendërmbrojtësve, ndërsa në sulm do të rikthehet që nga minuta e parë Karim Benzema në krah të Cristiano Ronaldo dhe Gareth Bale. Te Sevilla mungojnë tre mesfushorë. Ever Banega është i skualifikuar, ndërsa Vitolo dhe Grzegorz Krychowiak janë të dëmtuar. Madrid ka shkuar në çerekfinalet e Champions, ndërsa Sevilla në çerekfinalet e Europa League Sevilla fitoi 3-2 ndaj Real Madrid, në ndeshjen e luajtur në fazën e parë në “Estadio Ramon”, në fund të muajit tetor, një nga humbjet që nisën “pikiatën” e Rafa Benitez, i cili u shkarkua nga klubi në janar. Gjithsesi, “andaluzianët” nuk fitojnë në “Bernabeu” që nga dhjetori i vitit 2008. Që atëherë kanë humbur shtatë ndeshjes, përfshi edhe disfatën 7-3 në tetor të vitit 2013. Në sezonin e kaluar, përballja në Madrid, u mbyll 2-1 për Real. Karim Benzema do të rikthehet titullar te Real Madrid

Real Madrid – Sevilla (ora 20:30)
Formacionet e mundshme:

Real Madrid: Navas; Carvajal, Varane, Nacho, Marcelo; Modric, Kroos, Casemiro; James, Ronaldo, Bale. Trajner: Zidane

Sevilla: Rico; Mariano, Rami, Carrico, Tremoulinas; N’Zonzi, Iborra; Konoplyanka, Krohn-Dehli, Cristoforo; Gameiro. Trajner: Emery



PËRGJIGJU

Please enter your comment!
Please enter your name here