Një alarm për bombë në stadium ka bërë që Federata e Futbollit e Turqisë të shtyjnë ndeshjen e shumëpritur mes Galatasaray dhe Fenerbahces.
Autoritetet bëjnë me dije që kjo ndeshje e cila ishte e planifikuar të luhet në mbrëmje është shtyrë pa afat.
Policia në një deklaratë për mediat tha se ndeshja është anuluar për arsye sigurie, ndërsa ky vendim ekstrem është marrë pas marrëveshjes mes dy klubeve.
Raportet të pakonfirmuar të medieve bëjnë me dije që anulimi i ndeshjes është bërë për shkak të kërcënimeve me bombë në stadium.
Ditët e fundit Turqia është prekur nga një seri sulmesh terroriste duke shkaktuar në total dhjetëra dhe qindra viktima.
