Frika se mos Alexis Sanchez u dëmtua duke ndjekur një top në flamurin e këndit u shuajt menjëherë kur
sulmuesi i Arsenal, pasi doli jashtë fushe, përfundoi i ulur në një nga karriget e “Goodison Park”, mes tifozët të Everton, në një episod që ndodhi gjatë ndeshjes së fituar 2-0 nga “topçinjtë”.
Sanchez u ul mes tifozëve të Everton Sanchez po ndiqte një top që përfundoi jashtë dhe shpejtësia me të cilën po vraponte e detyroi të dilte nga fusha e lojës, të kalonte një vend bosh që lihet për topat, duke përfunduar në shkallën e parë të stadiumit të Everton, i rrethuar nga burra e gra që ndodheshin aty.
Sulmuesi Arsenal bëri shaka dhe qëndroi pak sekonda i ulur sikur po shihte ndeshjen. Alexis Sanchez u ndihmua nga tifozët e Everton Sanchez nuk ka shënuar asnjë gol në Premier League që nga muaji tetor dhe faktikisht nuk ka qenë asnjëherë në formën e sezonit të kaluar kur terrorizonte mbrojtjet kundërshtare.
Rënia e tij përkoi me rënien e shpresave të Arsenal për të fituar titullin kampion. Shpresa që gjithsesi nuk janë shuar plotësisht, sepse të besuarit e Wenger fituan 2-0 ndaj Everton.
