“PS arriti të siguronte një fitore “publiçitare”, kjo ka qenë gafa e kryetarit të Komisionit të Garancive Statutore Alket Hyseni, njeriut që i kanë besuar Statutin e Partisë.
Alket Hyseni ndërsa fliste për raportin e institucionit që drejton që prej vitit 2011 ka thënë se PS ka ardhur në pushtet falë “një fitoreje publiçtare”.
Ashtu si edhe kryetari aktual i Bashkisë së Tepelenës Tërmet Peçi 1 vit më parë pretendonte se PS do të shënonte në zgjedhjet e 21 Qershorit “një fitore publiçitare”, sot Alket Hyseni i KGS-së e ka bindje se PS e ka arritur “një fitore publiçitare”, por nuk ka arritur të bëjë diferencën mes “fitores publiçitare” dhe asaj që realisht mund të qëndrojë “fitore plebishitare”. Mbase, ka qenë një fjalë e madhe dhe e vështirë pë ta. Shpresojmë që të dy ta mësojnë këtë fjalë e të mos bëjnë më gafa të tilla.
“…të gjitha strukturave të Partisë Socialiste të angazhuara qoftë në zgjedhjet e përgjithshme, qoftë në zgjedhjet vendore, që sollën si rezultat fitoren publiçitare. Në këtë rezultat kanë pjesë edhe anëtarët e KGS që morën pjesë në mënyrë aktive në të gjitha proçeset” tha Hyseni.
Alket Hyseni rrëzoi kërkesën e një grupi socialistësh, që u ankuan për shkeljet e Statutit. Si shpërblim, ai pritet të katapultohet në një nga institucionet më të rëndësishme të shtetit, pas pak javësh.
https://www.youtube.com/watch?v=sVvKmTLtg-k
