Komisioneri evropian për migracionin Dimitris Avramopoulus ka zhvilluar takime sot me të gjithë krerët e shtetit, duke filluar nga Presidenti Bujar Nishani, kryeministri Edi Rama, ministri i Jashtëm, Ditmir Bushati dhe Ministrin e Brendshëm, Saimir Tahiri, me të cilin ka mbajtur edhe një konferencë për shtyp. Sigurisht që çështja kryesore e takimeve kanë qenë refugjatët. Avramopoulus tha se nuk ka indicie që Shqipëria do të ketë fluks refugjatësh por edhe nëse ndodh ajo tashmë është e përgatitur. Avramopoulus ofroi gjithë mbështetjen e Komisionit Europian për t’iu përgjigjur çdo kërkese të Shqipërisë në këtë drejtim.
“Shqipëria më e paërgatitur ta trajtojë këtë çështje. Nuk kemi ndonjë sinjal që fluksi po vjen në Shqipëri por në rast se ndodh Shqipëria nuk është e papërgatitur. Çfarëdo kërkese të vijë nga qeveria shqiptare, reagimi ynë do të jetë pozitiv”, tha ai.
Komisioneri europian theksoi se çështja e emigrantëve nuk duhet të trajtohet si çështje shifrash pasi flitet për jetë njerëzit dhe çdo shtet anëtar apo jo duhet të bashkëpunojë.
“Ka shumë teori për sa i përket shifrave nuk duhet të harrojmë që kjo është një çështje që ka të bëjë me qeniet njerëzore. Nuk ka rëndësi nëse jemi shtet i BE apo jo, duhet të bashkëpunojmë. Stop mureve dhe gardheve. Përgëzoj qeverinë shqiptare që është shprehur se nuk ka për qëllim që të ngrejë mure. Ngritja e mureve do të cenonte parimet e BE-së. Mesazhi i qartë, jemi këtu që këta njerëz të trajtohen me njerëzillëk. Ky vend e ka përjetuar këtë lloj fenomeni. Pas rënies së komunizmit e mbani mend se si u trajtuan shqiptarët në fillim”, tha Avramopoulus
(Boldnews)
