Një ekip gjeodezistësh francezë po bashkëpunon me arkeologët e Drejtorisë së Përgjithshme të Artefakteve dhe Muzeve të Sirisë për të realizuar një hartë me monumentet që rrezikojnë të shkatërrohen në luftën që ka shpërthyer në këtë vend, siç ka ngjarë me shumë asete tjera të trashëgimisë kulturore.
Ky projekt në zhvillim i quajtur «Iconem» ka zhvilluar teknologji fotometrike që së paku këto monumente t’i ruajë nëpërmjet imazheve, shkruan DW, transmeton «Koha Ditore». «Kjo zgjidhje jep shpresë për vendet arkeologjike që të ringjallen dhe na mundëson që kujtesa për to të ruhet, pavarësisht se çfarë ndodh», ka thënë kryetari i Drejtorisë, Maamound Abdulkarim. Sipas agjencisë së lajmeve AFP, databaza për trashëgiminë e Sirisë është thënë të jetë incizimi më i madh në 3D i monumenteve dhe thesareve të vendit. Ata nisën punën në dhjetor rezultatet e para u publikuan online gjatë ditës së martë.
Deri më tani ata kanë mundësuar që të shihen tri vende arkeologjike, duke përfshirë xhaminë Umayyad të shekullit XVIII në kryeqytetin sirian, Damask. Ky objekt konsiderohet si vendi i katërt i shenjtë për islamin. Një version i ri në 3D i vendeve të trashëgimisë kulturore do të publikohet gjatë javëve në vazhdim. Këtë e ka konfirmuar kontribuuesi i «Iconem», Eric Thibaut.
Vend tjetër i njohur që ata kanë rikonstruktuar në formacionin 3D është edhe «Krak des Chevaliers», kështjella e kryqëzatave, e cila gjendet afër qytetit të shkatërruar, Homs. Megjithëse kjo kështjellë, e cila gjendet në majë të kodrës bart gjurmë të luftës, dëmi që iu shkaktua gjatë luftimeve të ashpra në rajon tani është zbutur. Pa dyshim se kjo kështjellë mbetet një prej gjashtë vendeve të trashëgimisë kulturore që është pjesë e listës së UNESCO-s për objektet e rrezikuara.
«Tani fokusi i vendosjes në hartë është mbi objektet që kanë shpëtuar. Dhe kjo që bëjmë ne është masë mbrojtëse», ka thënë Thibaut. Për dallim nga xhamia në Damask, ajo në Aleppo është shkatërruar në vitin 2013 si pasojë e kon⚆Úiktit civil. Me një tjetër iniciativë të ngjashme të drejtuar nga Instituti për Arkeologji Digjitale punëtorët e organizatave dhe arkeologët janë pajisur me 5 mijë kamera në mënyrë që të realizojnë miliona imazhe të atyre lokaliteteve arkeologjike që janë në rrezik.
Databaza e tyre me miliona imazhe pritet të publikohet deri në fund të vitit. Qëllimi i tyre po ashtu është të shfrytëzohet 3D-printer më i madh në botë për të rikrijuar pamje të objekteve aq sa janë në jetën reale e që janë shkatërruar. Me imazhe do të krijohet Harku i Triumｇ䮇t në Palmyra dhe do të vendoset në «Times Square» në New York dhe «Trafalgar Square» në Londër. Militantët xhihadistë të «Shtetit Islamik» e kanë indinjuar tërë botën, pasi që kanë hedhur në erë tempujt e Bel dhe Baalshamin në qytetin antik të Palmyras në gusht të vitit të kaluar, duke shkatërruar «një prej qendrave më të rëndësishme kulturore të botës antike».
