Ministri i Drejtësisë, Ylli Manjani tha se institucioni që ai drejton është i fokusuar totalisht në realizimin sa më shpejt dhe me efiçencë të një reforme reale në Drejtësi.
Gjatë një prononcimi për mediat, Ministri Manjani u shpreh se çdo ditë ka ankesa për çështje gjyqësore, vendime apo mungesë e aksesit në drejtësi. “Unë këtë dua, që reforma në drejtësi të lehtësojë jetën e qyterave në sallat e gjyqësorit. Dua që reforma në drejtësi të jetë reale e të përmirësojë jetën e çdo shqiptari, që kërkon drejtësi. Në këtë drejtim jam i fokusuar 100%”, tha Manjani.
“Publiku shqiptarë ankohet çdo ditë për akses të munguar në gjykatë e për padrejtësi të gjykatës. Publiku s’ka besim tek gjykata. Ka mijëra metra katror të grabitura me dokumeta të falsifikuara dhe gjykatat ka dhënë vendime të dyshmita. Ministri i Drejtesise Manjani Foto Agim Dobi (3)Gjykata duhet të zbatojnë ligjin e jo të krijojnë ligje vete. Kjo është diçka që s’duhet toleruar. Jam i bindur për këtë pjesë. Po përgatitemi për inspektim në Vlorë…Por jo vetëm, do të jemi aty ku qyetarët shprehin ankesa. Të gjitha gjykatat e bregut do vlerësohen, pasi ka problematika të ngjashme. Precendi Mjacaj është përsëritur gjithandej. Unë nuk merrem me vendime gjykate, por jam syri e veshi i punblikut në sistemin e drejtësisë”, theksoi Manjani.
Lidhur me deklarat e bëra para gjyqtarëve, se nuk do të kenë më imunitet, Manjani u shpreh për ATSH-në se politika është bashkuar kur vjen puna për vlerësimin e gjyqtarëve.
“Në mjedisin politik, nëse ka një çështje për të cilën të gjithë janë dakord, është ajo “vetingut”, pra riverifikimi i figurës së gjyqtarit përmes një komisioni të posaçëm. Ky komision do të ngrihet dhe do të vlerësoi të gjithë gjyqtarit dhe kjo është thelbi”, tha Ministri Drejtësisë, Ylli Manjani.
