Sërish mesa batutave gjatë shpërndarjes së kartave të anëtarësimit të PS-së, kryeministri Edi Rama i ka dërguar edhe një mesazh rivalit të tij për kreun e PS-së, Ben Blushi.
Duke filluar nga deputetja Vasilika Hysi, Rama tha se ajo në fillim nuk donte të vinte në PS me pretendimin se ishte njeri i lirë, por tani nuk do të ikë, sepse e ka gjetur lirinë tek kjo forcë. E për Ramën në PS nuk ka liri vetëm për ata që nuk dinë çfarë t’i bëjnë. Blushi është prej deputetëve që ka deklaruar shpesh se në PS mungon liria.
“Kur i thashë Hysit hajde në PS, më tha ‘pupupu ça do bëj unë në parti, unë jam njeri i lirë”. Por thuaji tani ik nga partia, nuk ikën. Sepse lirinë e ka gjetur tek partia. Nuk ka liri vetëm për ata që nuk dinë çfarë t’i bëjnë lirisë”, tha Rama.
(Boldnews)
