Parashikimi i “Sky Sports” / Leicester do shpallet kampion i Anglisë

Një sezon interesant po zhvillohet në “Premier League”, i cili është afër kulmit të tij, por që do të kurorëzohet me ekipin kampion në maj. Me tetë ndeshje të mbetura ende për t’u luajtur, Leicester udhëheq garën me një “hendek” prej pesë pikësh ndaj Tottenhamit të vendit të dytë. Arsenali dhe Manchester City janë 11 dhe 12 pikë larg kreut, respektivisht, por të dyka këto ekipe kanë edhe nga një ndeshje “në dorë”. Kush do të dalë në krye, në fund të kampionatit, duke fituar titullin në “Premier League”? Ray Wilkins dhe Davie Provan kanë dhënë parashikimet e tyre për “Sky Sports”. Parashikimi për ndeshjet e mbetura të Leicester 1. Leicester Skuadra e Claudio Ranierit është në “pole pozicion” dhe Provan mbështet parashikimin se do të mbetet e pamposhtur edhe në pjesën tjetër të sezonit. E beson këtë gjë, edhe pse kryesuesit aktualë të kampionatit anglez e përfundojë garën me një pengesë të ndërlikuar e të trefishtë, ndaj Manchester United, Everton dhe Chelsea. Ish-skocezi ndërkombëtar mendon se Leicester City do të fitojë kundër Crystal Palace, Sunderland, Swansea dhe Everton. Parashikimi për ndeshjet e mbetura të Tottenham 2. Tottenham “Spurs” e panë veten përkohësisht dy pikë mbas Leicester, me fitoren e arritur ndaj Aston Villa në fundjavë, por panë, gjithashtu, që “hendeku” të zgjerohej në pesë pikë, pas fitores së “dhelprave” ndaj Newcastle. Ata do të përballen me udhëtime (transferta) në fushën e Liverpool, Stoke dhe Chelsea, në tetë ndeshjet e fundit të “Premier League”, Sipas dy analistëve, që bëjnë edhe parashikimin përkatës, skuadra londineze do të mundë Bournemouth, Manchester United, West Brom, Southampton dhe Newcastle. Parashikimi për ndeshjet e mbetura të Arsenalit Arsenali Pa një vend të parë në “Premier League”, prej më shumë se një muaji, Provan mendon se Arsenali do të vuajë pengesa të tjera në javët e ardhshme, me humbje në Everton dhe West Ham. Ai mendon se “topçinjtë” e Arsen Wenger do të fitojnë pesë nga gjashtë ndeshjet e fundit, por që nuk që të jenë të mjaftueshme për të riparuar një “hendek” prej 11 pikësh nga vendi i parë. Parashikimi për ndeshjet e mbetura tëManchester City Manchester City Pas barazimit me Norwich, fundjavën e kaluar, një fitore në derbin e Mançesterit, të dielën, duket një domosdoshmëri për skuadrën e drejtuar nga Pellegrini. Megjithatë, Wilkins mendon se jo vetëm ndeshja me Manchester United, ku mund të fiksohet një barazim në “Etihad”, por edhe ajo me Bournemouth, në javën e ardhshme, do të jetë e vështirë. Ai pastaj mendon se “qytetarët” do të humbasin me Chelsea, para se ta përfundojnë garën me katër fitore nga pesë. Tabela finale e renditjes së “Premier League”, e parashikuar nga Ray Wilkins dhe Davie Provan Si do të përfundojë? Nëse parashikimet e Wilkins dhe Provan janë të sakta, atëherë Leicester City do të kurorëzohet kampion në “Premier League”, para udhëtimit në fushën e Chelsea, javën e fundit të kampionatit. Tottenham do të përfundojë katër pikë prapa, në vend të dytë, përpara Arsenalit, dhe pastaj vjen Manchester City.