Ministria e Drejtësisë i ka dorëzuar Kuvendiy një raport për inspektimet në prokurori, të kryera në periudhën 1 mars 2015- 1 mars 2016. Raporti përmban të dhëna të përgjithshme që kanë rezultuar nga kontrollet e Ministrisë së Drejtësisë në organin e prokurorisë, të ushtruara në mënyrë të planifikuar apo në bazë të informacioneve.
Kontrolli është ushtruar në 7 prokurori dhe u ndërpre në Vlorë e Kavajë. Në total është inspektuar veprimtaria e 32 prokurorëve, 24 prej të cilëve u kapën me shkelje.
Ministria e Drejtësisë ka rekomanduar procedim disiplinor për 12 prej tyre. Gjatë kontrollit u konstatua shkelje në 4 drejtime, shkelje në veprimet për vijueshmërinë hetimore, shkelje në fillimin e ndjekjes penale, shkelje në respektimin e afateve hetimore, shkelje në marrëdhënien e prokurorisë me subjektet e procedimit.
(Boldnews)
