Manchester City “kontrolloi” Dinamon e Kievit në një ndeshje relativisht të mërzitshme, megjithatë shkroi historinë e klubit, duke u kualifikuar për herë të parë në çerekfinalet e Champions League. Në ndeshjen e barazuar 0-0, City humbi të dy qendërmbrojtësit Vincent Kompany dhe Nicolas Otamendi, për arsye dëmtimi. Vincent Kompany u dëmtua gjatë barazimit 0-0 ndaj Dinamos së Kievit Të besuarit e Manuel Pellegrini u kualifikuan pasi kishin fituar 3-1 në ndeshjen e parë. Në sfidën e luajtur në “Etihad Stadium”, që u duk thjesht si një formalitet, ka shumë pak për të treguar, sidomos në aspektin e rasteve për shënim. Jesus Navas e pati mundësinë më të mirë të ndeshjes, por goditi shyllën në pjesën e dytë. Manchester City u kualifikua me rezultatin e përgjithshë, 3-1 City, që në dy sezonet e fundit ishte eliminuar nga Barcelona në 1/8-t e finaleve, do të ndeshet me Manchester United në derbin e qytetin, ditën e diel në Premier League, një përballje që vlen vendin në edicionin e ardhshëm të Champions League. Vetëm një pritje në nga Joe Hart shmangu humbjen për Manchester City, gjatë tentativës së Vitaliy Buyalskiy.
Manchester City shkruan historinë… mes “mërzisë”!
Lajme të lidhura
TË GJITHA
