“Shpërthen” Abbiati, kritika të ashpra ndaj Milan

Në fund të barazimit 0-0 në ndeshjen Chievo-Milan, senatorët e skuadrës kuqezi kanë ngritur zërin. Christian Abbiati u shfry për “Premium Sport”: “Skuadra sot ka pasur një sjellje të papranueshme, duke nisur nga fillimi. Nuk kam fjalë për 30 minutat e para të ndeshjes. Duhet të kishim zbritur në fushë me më shumë uri.” Në shënjestrën e portierit kuqezi përfundojnë shokët e skuadrës: “Nuk dua të përmend emra por jam shumë i mërzitur që ka shok ekipi që i përgjigjen negativisht këshillave në lojë, sepse i shohin këshillat vetëm si çarje koke!” Chievo-Milan u mbyll 0-0 Gjatë një programi televiziv, portieri i Milan, Christian Abbiati, nuk i kurseu kritikat: “Si në ndeshjen e sotme, ashtu edhe ndaj Sassuolo, nuk kemi luajtur si i takon Milan. Bëmë 9 ndeshje pa humbje, por nuk do të thotë që gjithçka është zgjidhur. Duhet të luajmë të gjithë për të fituar. Kur qoftë edhe një futbollist i vetëm nuk i jep varkës nga i njëjtin drejtim, nuk arrihen rezultatet. Kjo ka munguar në dy ndeshjet e fundit dhe pse nuk dua të dramatizoj situatën sepse për dy muaj bënë një punë shumë të mirë.” Milan renditet në vendin e gjashtë të Serie A Më pas Abbiati shtoi: “Me të vërtetë pasi disa episode të na penguan, ku fati nuk ishte me ne, por janë pjesë e lojës së futbollit. Padyshim që do të kishim fituar nëse goditja e Bertolacci nuk do të ishte ndalur në traversë, por tani duhet të shohim përpara sepse ne jemi Milan dhe nuk duhet të luajmë për vendin e gjashtë. Jemi në finalen e Kupës së Italisë, por nuk mjafton vetëm kaq sepse fanella që veshëm është shumë e rëndë dhe e rendësishme.”