Prokurori i Përgjithshëm Adriatik Llalla ka komanduar katër drejtues prokurorish në 4 rrethe pasi drejtuesit e mëparshëm dhanë dorëheqje.
Sipas informacioneve nga Prokuroria e Përgjithshme, mësohet se në prokurorinë e Përmetit është komanduar Arjan Muça, në Lezhë, Besim Hajdarmataj, në Tropojë Artur Ismailukaj ndërsa në Dibër, Urim Buci.
Komandimi i drejtuesve të rinj vjen pak ditë pasi prokurorët e këtyre rretheve dhanë dorëheqjen në një ditë të justifikuar për arsye personale. Pas këtij akti, vetë Llalla paralajmëroi ndryshime në prokurori për rezultate më të lartë, ndërsa paralajmëroi se do të ketë ndryshime dhe në Prokurorinë e Përgjithshme.
Katër prokurorët e dorëhequr ishin ai i Lezhës, Përparim Vukaj; Përmetit, Silvana Pani; Tropojës, Artan Shtrungza dhe Dibrës, Esmeralda Cami.
(Boldnews)
