Tokio – Kërkohen 6 ninxha me kohë të plotë për turizmin. Kontrata është vjetore dhe paga, 1600 USD në muaj.
Është Prefektuara Aichi në Japoninë Qëndrore që kërkon të punësojë 6 ninxha me kohë të plotë – mjeshtra në artet marciale dhe shpatarë të kohërave feudale – për të promovuar turizmin në zonën e njohur ku ndodhet kështjella historike Nagoya.
Sapo ninxhat të lidhin kontratën njëvjeçare, do të përfitojnë pagesën mujore 180 mijë juan ose 1 580 USD plus bonuset, tha shefi i turizmit Satoshi Adachi.
Këto ninxha duhet të kryejnë akrobaci, të demostrojnë përdorimin e armëve dhe mjeteve specifike të ninxhave dhe të bëjnë fotografi me turistët, shtoi ai për AFP-në.
Një poster në këtë prefekturë shpjegon se kandidatët idealë janë ata që e kanë kënaqësi të jenë në qëndër të vëmendjes, pavarësisht se të qënit një ninxha nënkupton fshehtësi.
Që ninxhat të flasin japonisht, kjo është më e preferueshmja, por edhe nëse ka individë që nuk flasin japonisht, por janë të apasionuar pas historisë dhe turizmit venda, ata do të jetë të mirëpritur dhe mund të flasin anglisht, citon syri.net.
Ninxhat tona duhet të flasin mirë për të promovuar turizmin megjithëse në thlb, ninxha kërkohet të jetë i fshehtë. Ato duhet të bëjë lëvizjet e duhura të duarve dhe hapave. Kandidatët e suksesshëm do të hyjë një kurs trajnimi njëmujor në prill, pasi prefekutura ka vënë afat të fundit, datën 22 mars për të pritur aplikimet nga meshkujt dhe femra mbi 18 vjeç.
Në ditët e sotme, ninxhat janë kryesisht personazhe të librave të historisë ose trillime. Por në të vërtetë ato kanë pasur dikur si shtëpi të tyre, qytetin Iga, afër kryeqytetit të lashtë perandorak Kioto.
Vitin e fundit, qeveritarët dhe kryebashkiakët e qarqeve përreth vendit nxorën në treg kostumet e ninxhave për të njoftuar nisjen e një këshilli ninxhash.
Kjo lëvizje, tanimë jo më aq sekrete e bashkive, e kthen turizmin në një instrument për rritjen ekonomike përpara nisjes së Lojërave Olimpike të 2020-ës në Tokio.
