Ministri Bushati mëngjesin e sotëm ka pritur Asistent Ministrin e Jashtëm të Kinës, Liu Haixing.
Të dyja palët gjatë takimit shprehën vullnetin e rritjes së bashkëpunimit ekonomiko-tregtar në fusha si energjia, minierat, bujqësia si dhe thellimin e bashkëpunimit në drejtim të zhvillimit të infrastrukturës rrugore, hekurudhore, detare dhe ajrore në funksion të përfitimit të ndërsjellë.
Gjatë takimit, palët diskutuan edhe mbi zhvillimet më të fundit në rajonet respektive, klimën shumë të mirë të bashkëpunimit dypalësh midis Shqipërisë dhe Kinës, nivelin e dialogut politik dhe shkëmbimit të vizitave të nivelit të lartë. Ky takim u zhvillua në kuadër të Nismës së Bashkëpunimit Kinë +16 vende të Evropës Qendrore dhe Lindore, Ministri Bushati
Bashkëbiseduesit ndanë pikëpamjen se bashkëpunimi mes Kinës dhe vendeve të EQL është komplementar dhe në funksion të aspiratave të Shqipërisë dhe rajonit për integrimin në Bashkimin Evropian. Vizita e delegacionit kinez në Ministrinë e Punëve të Jashtme u pasua më tej me zhvillimin e konsultimeve diplomatike mes Republikës së Shqipërisë dhe Republikës Popullore të Kinës.
