Blerja më e madhe e Guardiola-s te City nuk do të jetë një lojtar

Pep Guardiola po përgatit transferimin e tij në Manchester dhe njeriu që kërkon të marrë me vete me çdo kusht nuk është një nga yjet e Bayern. Siç raportohet sot nëpër gazetat gjermane, Pep kërkon të shpërngulë në Manchester një nga njerëzit më të aftë që punojnë te klubi bavarez. Guardiola mund të ketë në mendje një revolucion të vogël në “Ethihad” dhe sipas BILD, drejtori teknik i Bayern Michael Reschke është i pari në listën e katalanasit. Retschke është zbuluesi numër një i talenteve te ekipi gjerman. Drejtori teknik i Bayern Michael Reschke është i pari në listën e katalanasit Drejtori teknik bavarez thuhet të jetë shumë aktiv në transferimet e ekipit të tij dhe gjithasthu njihet si një zbulues talentesh, i cili ka ndihmuar për të transferuar lojtarë si Joshua Kimmich dhe Kingsley Coman gjatë verës së kaluar. Guardiola dhe Reschke janë miq të mirë, dhe gjermani mund të jetë një element shumë i rëndësishëm i Guardiola-s për të përgatitur ekipin e City për sezonin e ri të Premier League. Reschke e njeh mirë futbollin anglez, ai është parë në stadium në ndeshjen e fundit të Everton, arsyeja thuhet të ketë qenë interesimi i tij për sulmuesin Romelu Lukaku.