Tjetër sulm në kryeqytetin turk. Një makinë bombë ka shpërthyer pasditen e sotme në qendër të Ankarasë, duke shkaktuar vdekjen e të paktën 27 personave, ndërsa kanë mbetur të plagosur 75 të tjerë.
Ngjarja ndodhi rreth orës 18:30 me orën lokale. Raportohet se vendi ku ndodhi shpërthimi është pranë zonës ku më 17 shkurt mbetën të vrarë 28 persona nga një sulm tjetër me autobombë.
#Ankara is on fire. #Turquie pic.twitter.com/hJKidtoQVM
— Netchys ن (@netchys) March 13, 2016
Ndërkaq është evakuuar edhe lagja qendrore e “Kizilay” për shkak të frikës nga ndonjë sulm tjetër.
Dëshmitarët thonë se shpërthimi ka ndodhur në afërsi të stacionit të autobusëve në bulevardin “Ataturk” dhe në afërsi të shumë ministrive. Disa automjete ishin në zjarr.
(Boldnews)
