Thierry Henry : “Ibrahimovic dëshiron të vijë tek Arsenal”

Ylli i Paris Saint-Germain Zlatan Ibrahimovic mbaron kontratën e tij me ekipin francez këtë verë dhe legjenda e Arsenal Thierry Henry beson se suedezi do të jetë një objektiv ideal për topçinjtë gjatë merkatos së verës. Ibrahimovic ka folur shkarazi për mundësinë e të luajturit në Premier league sezonin e ardhshëm. Duke folur për Sky Sport Thierry Henry gjithashtu tha që mesfushori mbreslënës N’golo Kante duhet të shënjestrohet nga Arsenal. “Cilin mund të nënshkruajmë? Kush është i gatshëm? Kam dëgjuar që Zlatan Ibrahimovic dëshiron të vijë.” “A do t’ia dalim në Champions League? Mendova që Oliver Giroud ia doli mbanë në disa raste gjatë sezonit. Ai po kalon një moment të pakëndshëm por shpresojmë të rikthehet pas dygolëshit në FA Cup. Zlatan mund ta bëjë punën, N’golo Kante gjithashtu. Këto djem që të tjerët ende nuk i njohin janë ata që mundohemi të afrojmë.” Henry nuk e përjashtoi Arsenal nga gara për titull duke thënë: “Mbetet për tu parë nëse do të arrijmë ta fitojmë këtë sezon. Nuk ka për të patur mundësi më të mirë për ta fituar Premier League se sa tani. Edhe pse jemi pak larg për momentin, janë edhe disa ndeshje për tu luajtur kështu që shpresojmë t’ia dalim. Nuk duket sikur është rasti por unë vazhdoj të besoj se mundemi.”