Rrallë ndodh në një vend tjetër të botës që mediat ia hapin derën me kaq lehtësi deklaratave të njerëzve që kërkojnë famë dhe bujë me komentet e tyre.
Pas Xhesika Ndojt, që deklaroi se një politikan i ka bërë ofertë për t’u bërë dashnorja e tij, ja ku vjen edhe ‘Xhesika mashkull’. Bëhet fjalë për modelin Alesio Aliaj, një tropojan me një karrierë modeste, që thotë se ka bërë seks me deputetet shqiptare.
Kaq ka mjaftuar dhe mediat kanë marrë flakë. I pyetur për numrat dhe emrat, ai thotë për Bluetooth: “Numrat nuk kanë rëndësi”.
Kur e pyesin për moshën e politikanëve me të cilat ka shkuar, ai shton: “Kur janë seksi, mosha nuk diskutohet. Vetëm vera dhe djathi pyetet për moshën”. “Politikanet të acarojnë në shtrat,” thotë modeli dhe kaq duhet që rrjeti të shpërthejë.
Madje si për të shtuar më tej paragjykimet se kur bie fjala tek gjërat e këqija, politika bashkohet, Aliaj thotë: “Kur vjen puna te seksi, PD dhe PS bashkohen në të njëjtin mendim”. Ndërkohë disa shqiptarë nisin e shfrenojnë fantazinë se cila politikane ka provuar krevatin me këtë tipin, që Bluetooth e quan të palestruar.
(Boldnews)
