Dortmund mposht Mainz, tifozi humb jetën në stadium!

Marco Reus dhe Shinji Kagawa shënuan për Borussia Dortmund, në fitoren 2-0 ndaj Mainz në Bundesliga, por festa e tyre u prish nga fakti që një tifoz humbi jetën në shkallët e stadiumit. Një mbështetës i Dortmund pësoi një atak kardiak dhe pavarësisht nga tentativat për ta shpëtuar u nda nga jeta, ndërsa një tjetër tifoz është shtuar në spital në gjendje të qëndrueshme, sërish si pasojë e problemeve me zemrën, bëri të ditur vetë klubi i Dortmund, menjëherë pas ndeshjes. Borussia Dortmund fitoi 2-0 ndaj Mainz Reus shënoi golin e avantazhit për Dortmund në pjesën e parë, ndërsa Pierre-Emerick Aubameyang humbi tre raste për të shënuar golin e dytë, i ndalur nga portieri mik Karius. Por gjatë pushimit të ndeshjes u mësua lajmi që tifozi humbi jetën dhe menjëherë një nga stadiumet më të zhurmshme në Europë ndali festën. Nuk kishte më kore për ekipin apo banderola. 17 minuta para fundit, Aubameyang krosoi për Kagawa që shënoi golin e dytë për Dortmund. Dortmund është në vendin e dytë në Bundesligë Borussia Dortmund është pesë pikë larg Bayer Munich kryesues, kur kanë mbetur edhe tetë ndeshje nga fundi i kampionatit gjerman. Ndërkohë, në ndeshjen tjetër të luajtur në Bundesligë, Leverkusen arriti fitoren e parë në katër ndeshjet e fundit, në ditën e datëlindjes së trajnerit Roger Schmidt, që kthehej në stol pas tre javësh skualifikim. “Aspirinat” mposhtën me rezultatin 1-0 Hamburg. Tifozët e Dortmund duke kënduar “You’ll never walk alone” në shenjë respekti për tifozin që humbi jetën