“Nisma për Kosovën”, pritet të nxjerr një skandal në Kuvendin e Kosovës

“Nisma për Kosovën” konsideron që në seancën e 14 dhjetorit të vitit
të kaluar në Kuvendin e Kosovës, janë bërë shkelje gjatë miratimit të
Ligjit për Menaxhimin e Financave Publike, ku nga 5 amendamentet e
propozuara nga Komisioni për Buxhet dhe Financa nuk është votuar
amendamenti numër dy. Por, edhe përkundër kësaj “Nisma” tha se
Kuvendi e ka miratuar ligjin me amendamentin e pavotuar në
Kuvendin e Kosovës, i cili futet në nenin katër të Ligjit për plotësimndryshim
të Ligjit
Anëtari i Kryesisë së “Nismës për Kosovën”, Bajram Ajeti, ka paraqitur
para mediave videot e bëra për miratimin e Ligjit për Menaxhimin e
Financave Publike dhe Përgjegjësitë, i cili këto shkelje në seancën e 14
dhjetorit në Kuvendin e Kosovës i quajti skandal.
“Mirëpo, çfarë ndodhi gjatë seancës kur erdhi çështja që të votohet,
amendamentet një nga një atëherë amendament i dytë nuk kaloi,
sepse fitoi vetëm 41 vota të deputetëve të cilët ishin prezentë. Për
këtë janë siguruar edhe provat e para, është transkripti që në faqen e
88­të dhe 89­të shihet qartë se disa herë kur kërkohet nga kryetari i
Kuvendit që të votojnë nuk u arrit që të votohet me shumicën e
votave. Po ashtu, ndërlidhur si provë e fortë është edhe videoja të
cilën ne i kemi marrë edhe minutat ku është çështja e votimit të këtij
amendamenti”, tha Ajeti.
Për të gjitha këto shkelje Ajeti tha se përgjegjës është kryetari i
Kuvendit të Kosovës, Kadri Veseli, dhe administrata e cila këto ligje i
dërgon në Presidencë për miratim.
Por e gjithë kjo, sipas Ajetit, ka qenë e qëllimshme dhe se deri te kjo
ka ardhur për avancimin e klientëve, apo ithtarëve partiakë brenda
departamenteve, qoftë atij të buxhetit qendror apo lokal.
Ai ka treguar se ka informacione se përfitues nga kjo ka qenë drejtori i
departamentit qendror, i cili, sipas Ajetit, është avancuar me postin e
drejtorit të përgjithshëm.
“Ne mendojmë që kjo paraqet realisht, një kapje të shtetit edhe të
këtij pushteti, pa folur për pushtete të tjera, që janë ekzekutivi dhe
gjyqësori, por edhe në Kuvend. Prandaj, për këtë arsye ne
konsiderojmë që është një skandal të cilin nuk ka pasur përpjekje as
të përmirësohet, por është bërë me qëllim”, ka theksuar Ajeti.
Lidhur me këtë çështje, Ajeti tha se i është drejtuar Institucionit të
Avokatit të Popullit në mënyrë që ta dërgojë këtë shkelje në Gjykatën
Kushtetuese dhe që të mos heshtë në këtë çështje.