Manuel Pellegrini refuzon të dorëzohet në luftën për titull pas barazimit pa gola kundër Norwich në “Carrow Road”. City kishte mundësi të ngushtonte diferencën me kryesuesit e Leicester por nuk arritën të shënonin kundër një mbrojtjes së hekurt të Norwich. Djemtë e Pellegrini-t kanë arritur të marrin vetëm tre pikë në pesë ndeshjet e fundit, por trajneri kilen akoma beson se ata mund të fitojnë Premier League. “Sa herë që lëmë pikë rrugës, gara bëhet akoma më e vështirë. Jemi të zhgënjyer. Kishim mentalitetin e duhur por nuk mund të krijonim hapësira. U munduam të ishim agresivë por duhet të krijonim më shumë.”
Portieri Joe Hart ishte po aq i zhgënjyer nga rezultati, por mbetet optimist. “Ishte një paraqitje zhgënjyese. Unë dhe portieri i Norwich (Ruddy) mund ta kishim marrë ditën pushim sot,” shprehet portieri i përfaqësueses angleze. “Duhet të përgëzoj ekipin kundërshtar për mënyrën se si u mbrojtën. Ne nuk ishim aq të mirë sa duhej. Na duhej më shumë kreativitet. Nuk duhet të humbim shpresat, sepse ka akoma shumë ndeshje për t’u luajtur. Ne besojmë se mund ta fitojmë kampionatin.”
Pellegrini nuk dorëzohet: “Do të luftojmë deri në fund për titullin kampion”
Lajme të lidhura
TË GJITHA
