Marchisio: Nuk i frikësohemi Bayern-it, jemi po aq të mrekullueshëm

“Bayern është një ekip i shkëlqyer, por të tillë jemi edhe ne, pas rritjes së realizuar në vitet e fundit, sikurse dhe për sezonin që po realizojmë në këtë edicion”. Është pikërisht kjo moto me të cilën mesfushori i bardhezinjve, Claudio Marchisio, po e pret përballjen shumë të rëndësishme të së mërkurës mes Bayern Munich dhe Juventusit, në takimin e dytë të 1/8 të Champions League. Futbollisti garanton se Juvja beson vërtetë në kualifikim dhe do ta provojë deri në minutën e fundit, duke sfiduar të pathyeshmit e Pep Guardiolas.
“Kampionët e tyre mund të vendosin fatin e ndeshjes në çdo moment, por ne jemi të përgjegjshëm për të vajtur dhe për ta diskutuar pa asnjë frikë këtë sfidë. Dy golat e shënuar në Torino përbëjnë një avantazh të konsiderueshëm pë rata, ndërkohë që rekuperimi i dy golave në pjesën e dytë nuk ishte aspak i lehtë për ne. Në ndeshje të kësaj rëndësie dhe vështirësie, marxhi i gabimit duhet të jetë minimale”, deklaroi për mikrofonin e “Sky Mediaset”, Marchisio. Dybala ishte autori i golit të parë për bardhezinjtë në ndeshjen ndaj Bayern. “Sa i vlefshëm është Buffon? Është më shumë se i rëndësishëm, jo vetëm në fushë por edhe një dhomat e zhveshjes, si kapiten dhe si person. Rekordi për atë vjen mëse i merituar. Është shpërblimi më i mirë për dikë që dëshmon profesionalizëm çdo ditë, si dhe dëshirë për tu përmirësuar. Referuar Dybalasë, në fillim kaloi një periudhë përshtatje, por ka punuar gjithmonë seriozisht dhe tani po bën gjëra madhështore dhe nuk më çudit. E kam njohur pas finales së Champions League dhe kuptova menjëhereë që ishte i aftë të shndërrohej në një futbollist të madh”, përfundoi Marchisio.